اشعار شعبية اشعار اليمن شعر شعبي
لي الله من هم أبتلاني بلا سبب
ومن وقت خلا الصقر في قبضة الغراب
لي الله من صاحب نسى قيمة الصحب
ومن شخص مايعمل لمن قدره حساب
ومن كل مؤمن داخله قلب أبو لهب
ومن كل مخطي ينصح الناس للصواب
لي الله من كلمة تزيد العتب عتب
ومن نفس ماتستحرم اللوم والعتاب
ومن فزعة اللي لا وعد صاحبه كذب
ومن شور عاقل يجعل السابره خراب
لي الله من غالي طلا الثوب من ذهب
وشره وحقده خلف الاكوات والثياب
ومن شخص تهتف به على سالف العرب
وينساك في لحظة مهماتك الصعاب
ومن كل وافي كنه الليث لا وثب
ويوم العناء بايتركك لحم للذياب
لي الله من راحة يجي منها التعب
ومن جو صافي بعده الغيم والضباب
ومن حب ظالم يحرق الدم والعصب
تناديه بالطيبة ولا تسمع الجواب
ومن خل يبعد كل ماآظنه أقترب
أنا اقله إتواضع وهو يطلع السحاب
لي الله من دنيا بها الهم والعجب
ومن ناس ماسارو على منهج الكتاب
ومن وضع شل الأنس وأدى لنا الكرب
ومن نفس تتعالى وبا تدخل التراب
لك الشكر يا الهاجس قد أوفيت بالطلب
عسى الناس تفهم حكمة القول والخطاب