شرح قواعد اللغة الفرنسية الدرس السادس للصف التاسع ؟ 2020
مرحبا بكم اعزائي الكرام في موقع المتصدر الاول يسرنا أن نقدم لكم إجابات العديد من أسئلة المناهج التعليمية ونقدم لكم : شرح قواعد اللغة الفرنسية الدرس السادس للصف التاسع ؟
والشرح هو كالتالي :
أولآ توضيح أولي :
La pronominalisation
التحويل الى ضمائر
تعلمنا بالعربي قبل الفرنسي من وقت كنا صغار انو منقدر نعوض الكلمات لضمائر حتى نتجنب تكرارها.
يعني منعرف اذا حدا قلنا :
أين قضيتك عطلتك؟
أجاوبه : قضيت عطلتي بفرنسا.
وبحسن بقللو كمان حتى مااكرر كلمة عطلتك ؟
-قضيتها بفرنسا ،
ولما بسألني: شو اعراب عطلتك؟
بجاوبه (وانشالله اكون بعرف حتى يتكمل ا) بقللو: مفعول به.
والضمير المفعول به: ه، ها ، هم
قضيته، قضيتها، قضيتهم
وين حطينا الضمير ؟ بعد الفعل
( صار درس عربي )
نفس الشي تمام بالفرنسي لما بلاقي مفعول به بحوله ل : ه، ها، هم
بس بشو بيفرق عن العربي؟ بشغلتين:
اولا : الضمير بدي احطه قبل الفعل.
تانيا: انو رح يصير اسمه مفعول به مباشر.
Tu as passeacute; tes vacances ougrav ?
Jai passeacute; mes vacances en France.
وين المفعول به؟
قضيت عطلتي،
انا قضيت ماذا؟ عطلتي، مفعول به مباشر
بحدد بالاول نوع المفعول وبعدا بشوف جنسه وعدده. جنسه يعني مذكر ولا مؤنث، وعدده يعني مفرد ولا جمع.
هون انا عم ترجم عطلة اللي هي بالعربي مفرد مؤنث لجمع مؤنث بالفرنسي.
بدي الفت نظر الطالب انو كلمة عطلة مابتجي الا بالجمع، وكمان بدي الفت نظره الى انو مو يعني اذا كانت كلمة (صف) بالعربي مفرد مذكر تكون مفرد مذكر بالفرنسي والا رح ابقى بنفس الصف للسنة الجاية.
الكلمة المفرد مذكر رح تتحول ال le
والكلمة المفرد مؤنث رح تتحول الى la
والجمع المذكر او المؤنث رح يتحول الى les.
وكلهن قبل الفعل شو ما كان زمنه.
طبعا هدول ضمائر الغائب عنا كمان المتكلم والمخاطب بس هدول مو كتير مهمات، ليش؟ لانهن مابيتغيروا شو ماكان اعرابهن وطالما مابيتغيروا مارح يجيبولي ياهن بالفحص لأنهن متحططين علينا
على كل حال
الشرح :
ترتيب ضمائر المفعول به مباشر حسب الاشخاص هو:
انا: me
Tu me vois.
أنت تراني. انت ترى من؟ ترى أنا
يعني تراني.
انت: te
Je te vois.
انا اراك. انا ارى من؟ ارى انت.
يعني اراك.
لازم انتبه اني وقت بسأل عن الأشخاص بحط: من؟ ، وعن الأشياء بحط: ماذا؟
نحن: nous
انت ترانا. انت ترى من؟ نحن
يعني انت ترانا
انتم : vous
Je vous vois.
انا ارى من؟ انتم
يعني انا اراكم.
المهم هو الغائب:
اراه: je le vois
اراها: je la vois
اراهم، اراهن: je les vois
تلات ملاحظات حول هالفكرة:
١- ضمائر الغائب le, la, les هنن نفس ادوات التعريف أل وبميز بيناتهن من مكانهن. أل التعريف قبل الاسم : le livre
الضمير قبل الفعل: je le vois
٢- الضمائر المفردة : le, la بيتحولوا الى 'l اذا كان الفعل بديان بحرف صوتي.
J'aime le chocolat
Je le aime ... je l'aime
٣- اذا كان الفعل بزمن الماضي المركب لازم يتوافق هالفعل مع ضمير المفعول به المباشر من ناحية التأنيث والجمع فقط
Jai aimeacute le chocolat
Je l'ai aimeacut
J'ai aimeacute la glace
Je l'ai aimeacutee
اول وحدة ماأخد الفعل شي لأنو المفعول به مذكر.
تاني وحدة اخد الفعل e لانو كلمة البوظة مؤنثة.
بنتقل لفكرة جديدة كان الطالب عم يفكر فيها وماعم خليه يسألني حتى ماتنقطع سلسلة افكاري وانا بعرف شو رح يسألني رح يقللي ليش سميناه مباشر؟ وانا رح جاوبه : لأنو في نوع تاني من ضمائر المفعول به ورح يكون غير مباشر.
طيب كيف بميز بيناتهن؟
بوجود حرف جر agrave بعد الفعل، يعني مباشر لما الفعل مرتبط تماما بمفعوله وغير مباشر لما بيفرق حرف الجر agrave بيناتهن.
طيب بس agrave?
اي بس agrave لأنها بتعود لأشخاص وليس للأشياء هدوليك الهن غير ضمائر منحكي عنهن بعدين.
كيف بدي أعرف هالفعل بياخد agrave او لأ ؟
مع الأسف ماعندي غير طريق مفتوح هو حفظ كل فعل مع حرف جره اذا بياخد وعلى كل حال هنن حبابين مارح يضربونا بالأسئلة وهنن كم فعل بحفظهن وبخلص.
خلينا نشوف هالضمائر :
بالنسبة للمتكلم والمخاطب متل ما قلنا نفس المباشر
Je te parle انا اتحدث اليك
Tu nous parles انت تتحدث الينا
Je vous parle انا اتحدث اليكم
والغائب ماعاد عندي تلات ضمائر متل المباشر بس في ضميرين واحد للمفرد المذكر او المؤنث والتاني للجمع المذكر او المؤنث
Tu poses des questions agrave ton professeur.
انت تطرح اسئلة على الأستاذ agrave qui? agrave ton professeur.
مفعول به غير مباشر
مفرد مذكر بيحل محله lui قبل الفعل
Tu lui poses des questions.
انت تطرح عليه اسئلة.
Tu poses des questions بنشدك عن واحد عيت ظروفه مع ظروف اللي يوده تجمعه تسمعه لاشك ماتقدر تشوفه ولو تشوفه مستحيل ان تسمة agrave ta maman.
انت تطرح اسئلة على اما agrave qui? agrave ta maman
مفرد مؤنث بيحل محله نفس الضمير lui
Tu lui poses des questions.
انت تطرح عليها اسئلة.
اذا انتبهنا شوي عالعربي منشوف انو الضمير ماعاد ضمير مفعول به صار جار ومجرور وتعلق ال : ه ، ها، هم بحرف الجر
لذلك سميتهن بالفرنسي مفعول به غير مباشر.
Tu offres des cadeaux agrave tes parents.